Mavis T.C. | Art ﹠Cooking : 2014

Sunday, December 28, 2014

油封鴨腿佐蕪花果紅酒醬 Confit de Canard, sauce aux figues

妹妹從法國帶來 Duck Confit，已經處理好，煎返香佢就可以做到外脆內嫩嘅感覺，最好用鑄鐵鑊煎，表皮煎得更香脆，所以今次我唔想寫鴨腿嘅處理方法；但佐呢一隻鴨腿嘅無花果醬我就想分享下，用port wine 同紅酒煮嘅無花果帶微酸，醬汁有酒香，同鴨腿好夾。放喺鴨腿下面嘅係小扁豆，吸收埋鴨嘅精華。

本來想做白露荀忌廉濃湯，但搵勻所有supermarket都無，所以無計轉menu，用粟米做主角。4條粟米做5個湯，粟米超甜，個湯超濃滑，而重點用左鵝油煮，提昇左湯嘅香味，好正。

構思呢份Starter嘅時候，希望每一道都帶出唔同嘅口感：鵝肝醬bruchetta嘅香脆；牛油果蟹肉他他嘅清新爽滑；紅菜頭慕絲凍湯嘅creamy柔順；最後truffles fetuccini carbonara加有脆煙肉嘅香脆濃郁。而4道菜都以唔同colour&shape present，大家都好喜歡，最開心當然是我。

Family X'mas 2014

今次聖誕做一個簡單版法國menu，本身設計嘅menu去到尾都改左不少，carbonara fettuccini 由主菜變成頭盤、本來想做白露荀濃湯，但因為買唔到而改做粟米濃湯、見到新鮮熱情果而將他他加入火龍果再做熱情果醬。大家都食得好滿意，Merry Christmas!!!

趕住開餐忙碌中擺錯晒啲餐具，後尾先發覺，真係失禮 :’P

包餃子

包餃子真好玩，有老公同我一齊包，how sweet～哈哈！包餃子可以促進感情，唔係呃你，冬天一齊包多啲餃子啦：D

意式燉牛膝 Osso Buco

真是可恨的牛膝，中間那個骨膸真是美味到不得了，但又是極高脂高膽固醇的東西，怎麼辦呢！一口半口都可以吧，哈哈！人總難以戰勝美味。這味菜式醬汁也夠吸引，老公試味後狂加撈飯。肉質要夠腍，煎的時候不要過火，燉長一點時間更好。

免治牛肉洋蔥批 Pie Onion and Beef

一個人嘅晚飯，你會諗起咩？外賣？餐蛋麵？今晚我一個人食，竟然心血來潮焗批，哈哈，sounds crazy, right?! anyway，個批超正，又，臨近聖誕，批都係好啱party嘅食物，同大家分享下啦；D

Ceasar Salad Dressing

出街食都好喜歡叫Ceasar Salad, 但是真的，每一家做的sauce都不同，有些太酸，有些鹹味不夠，然而超市買嘅醬亦都唔係嗰回事。所以我最鍾意喺屋企自己做。簡單嚟講，用新鮮嘅羅馬生菜，配上呢個sauce，再喺面灑上麵包脆脆同碎芝士，已經完成一道美味非常嘅Ceasar Salad喇！

蕪花果藜麥沙律

藜麥為新興健康食品，英文Quinoa，含豐富纖維、蛋白質及維生素，秘魯的古印加人更稱它為「五穀之母」。它有淡淡麥味，煮起來像普通米一般吸水後用膨脹，口感像蟹籽清爽，可以當作米飯三餐享用。做鹹做甜都得，用來做沙律效果都很好，營養豐富之餘，口感亦提昇了。煮的是候藜麥3：水 1，像煮risotto一樣就ok！：）

泰式椰汁三文魚伴紫洋蔥沙律 Salmon in Thai Coconut Sauce with Red Onion Salad

這個是參考星加坡名廚Willin Low嘅食譜。Chef Willin Low嘅食譜真係好吸引，既fushion又有亞洲特式，佢都係我喜愛嘅名廚之一。呢個菜式椰汁香濃，配上清爽帶酸嘅紫洋蔥沙律，紅洋蔥味偏甜，不會嗆喉，兩者的確好夾，而且個汁配飯好正，非常推介！

香蒜汁三色椒炒木耳

一個簡單易做又好味嘅素菜。營養師告訴大家多吃不同顏色的蔬菜可吸收不同的營養，三色椒紅黃綠就一次過滿足了營養方面，其熱量低，纖維多，含豐富維生素，且具很好的抗氧化功能。味道也各有不同，紅椒較甜口感適中；黃椒較淡較軟；青椒較甘較爽脆，三種不同的味道同煮令一道簡單的素菜更添美味。另外，木耳具降血脂功能，所以這道菜很適合經常煮食呢！

魷魚冬菇蓮藕煎肉餅

肉餅唔一定蒸，煎，仲香口。呢個餅口感豐富，仲加埋脆蓮藕片，仲吸引呢！不過小心整嘅時候撈得太多粒粒的話會令肉餅易散，撈嘅時候覺得散散地可酌量加麻油和生粉，同埋俾啲耐性慢慢煎完一邊先到另一邊，就會好實淨㗎喇。

柚子骨

呢一款骨我用新鮮柚子汁做醃料，比起一般用柚子醬效果較濃甜同假，味道比較清新。如果喜歡酸味多點的可以加入適量檸檬汁。

芝士忌廉焗薯 Baked Potatoes with Cream & Cheese

這個中秋，無燈飾、無蠟玩、無燈龍，唯有喺屋企candle light dinner X）其中魔鬼芝士忌廉焗薯可以話係簡單、好味、包無死。不過唔好理佢魔唔魔鬼，我哋食到抱住個肚都仲繼續「撩」緊啲薯尾呀，呵呵～

鹽麴豬排佐青紫蘇汁沙律菜

鹽麴這發酵調味品真好，有了這，簡單而又美味的一餐可以輕鬆攪掂！而且鹽麴除了有豐富的維他命B、乳酸菌、胺基酸等營養外，它更可代替鹽份，因為同為一小匙的份量，食鹽含6 克鹽份而鹽麴就只有0.3克，所以它可使可們減少鹽份的吸收，又能分解澱粉質、蛋白質及脂肪，使肉質變軟，又能提昇食物的鮮味。

牛蒡脆片小吃

牛蒡，係廉價人參，經常出現於日本料理當中。除左煲湯，原來可以做小食㗎！炸嘅時候已經好香喇，似洋芋片、蕃薯片嘅味道。我試過焗，但焗出來效果太乾，好似食樹皮，所以改用炸，控制得較好，嘻～當然啦，我喺屋企炸嘢會用靚油炸，即係山茶花油，煙點去到230℃，係安全嘅，想知有幾健康可以上網search下山茶花油／野生茶油，我屋企人都改晒用呢隻油喇：）

上湯火腿津白

娃娃菜，即津白，加入火腿，唔駛調味都已經成為美味嘅一道菜。喺屋企做菜，唔用金華火腿，簡簡單單其實普通火腿都有好好嘅效果，不過一定要係厚身嘅火腿。喺凍肉鋪，叫士頭將火腿切成大約好似厚切豬排嘅厚度就得㗎喇：）

自家蒜蓉醬

我都好喜歡自己做醬，一來覺得自己做有質素保証，二來一次過做多啲，又可以同媽咪奶奶朋友分享！呢個自家蒜蓉醬，應該係最簡單方便的一款，可以話係自家做醬入門呀，最煩就係剝蒜頭呢一關，參考左網上嘅方法，利用蒜頭同碗加「喪搖」產生嘅摩擦力，原來係可以令蒜頭嘅衣自動剝落㗎，係咪咁神奇？自己試下吧！哈～

黑糖桂圓茶

中醫成日話我（其實9成9嘅女人都係）「氣血不足」，無計，除左做運動，喺屋企可以沖下養生飲品，例如呢個黑糖桂圓茶。桂圓補血且補腦安神，對氣血不足、失眠、善忘都很有益處；且黑糖有補血排毒功效，暖飲可活絡氣血，使身體溫暖，所以特別適合來經不適的女性飲用。

冬瓜薏米鴨腿湯

又係冬瓜，無錯，炎夏消暑湯水非冬瓜莫屬，仲要都係生熟薏米，點解生熟都要呢，其實之前都好似講過，生薏苡仁，功能清熱利水祛濕消腫，藥性平和，但性質較寒；熟薏苡仁經炒熟作用溫和，以健脾為主。而我們廣東人煲湯喜歡生、熟同用，兼取兩者長處。記得冬瓜要揀頭或尾，同埋瓜皮好似有層白色霜嘅煲出嚟更甜，加埋鴨一齊煲湯，超濃香甜，老公話想食冬瓜鴨腿湯飯啊，哈哈，自己加個飯就是了咯！XD

黑芝麻脆皮雞扒

炸好嘅雞皮香脆，令人愛不惜手，但脂肪甚高，如果去皮吃，又大失原味，如果找代替呢？不如試下用芝麻！

平時唔用橄欖油，用多啲青檸汁同魚露，就會做到配襯泰式菜嘅汁，例如泰式生蝦，但係加左橄欖油，就變成越式風味喇！配烤雞、雞翼，都好正呢～！

越式香茅魚露烤雞

甘荀馬蹄鮮橙汁 Water chestnut, Carrot & Orange Juice

這是一個非常有益又好味嘅果汁：甘荀含胡蘿蔔素抗氧化、維他命A增強視力；鮮橙有維他命C增可強抵抗力、記得要連纖維一起吃，對腸道健康；還有馬蹄，清熱之餘潤肺利腸，對身體很好呢：D

士多啤梨紅桑莓乳胳雪葩 Strawberry&Raspberry Frozen Yogurt

食完主菜，係咪要清下味蕾呢？通常喺主菜與主菜之間，都有一味好fresh，味酸甜，可以令口腔內嘅味覺細胞重生嘅雪芭，就好似句子與句子之間嘅逗號一樣，食完可以消減上一道菜嘅餘味或膩感，令我哋可以細心欣賞下一道廚師為我哋準備嘅主菜。當然，這多數都係高級餐廳先有啦～！

越式香茅魚露烤雞

雞真係好多種食法，而且點整都好味，而烤焗又係實無死之作！哈哈！香茅加魚露加香葉，烤出嚟嘅香味特別，再配自製九層塔紫蘇橄欖醬，風味十足！自己屋企種左啲香葉，而家陽光充足，生到好澎湃，今次摘左啲九層塔、紫蘇，做左個sauce嚟dip！

蜜柑果凍 Tangerine&Peach Jello

呢個果凍識magic，因為佢識得自己shake shake，哈哈！其實，咁簡單嘅果凍，就咁搵個杯裝住佢真係唔夠殺食，簡單地將佢用個cone模做，係咪唔同晒呢？！嘻～呢日喺街市，見到有呢一隻又橙又紅嘅金車厘子，諗起好襯個果凍，即刻買左啲，果然好match～！

排毒消脂甘荀西蘭花辣椒汁

參考自《吃對酵素》養生食譜，估唔到味道可以咁適中，辣椒汁要用大辣椒，因為辣味唔會嗆喉，帶甜，同西蘭花mix埋中和左西蘭花嘅苦味，加埋甘荀汁，甘甜醇美。

呢個汁對於排毒減肥有很好的效果，而且辣椒含豐富vitamin C，可使皮膚保持美白，且甘荀含vitamin A，有明目功效。

補健烏髮黑豆粥

話說與婆婆吃晚飯，婆婆問老公：『你係咪染左黑色豆髮呀？」

哈哈，唔通真係咁見效？！

我其實最近煲近呢個黑蚊蚊粥，尤其起生髮烏髮作用，不過，講事實，我婆婆問呢條問題嘅時候，我老公只係飲左第一次啫，有無咁快見效呀？之不過~~我確實聽過有人飲左1星期之後明顯望落頭髮多左同黑左！

四川口水雞之滑滑啫喱

我唔知道口水雞點解叫口水雞，但係諗起佢都會流晒口水，哈哈！呢一道麻辣冷盤，啱晒夏天無胃口。個汁勁正之外，重點係又滑、又有「啫喱」嘅雞呀！

唔知點解，用水泡煮雞嘅方法，我試過做啫喱都唔易成功，但係，Miele就好易做到喇！可能係因為火喉溫度都平均啲，再拎去浸冰水就攪掂，果然，Miele真係廚房好幫手，「啫喱」手到拿來！哈哈！

魚露帶子炒米粉

呢個簡單嘅炒米粉，重點係靚嘅帶子，兩邊用牛油煎封，用魚露、辣油調味，帶子裡面半生，味道鮮甜！要保持住帶子嘅鮮味，解凍方法好重要，千萬唔可以用水直接解凍，可以用不鏽鋼碗幫手，輕輕喺上面壓住frozen帶子，放入少許熱水嘅上面隻碗裡面（介乎暖與熱之間，因為太滾嘅水有可能淥熟帶子），咁隻帶子就好快解凍，而且唔會太多水份，流失鮮味，煎封嘅時候唔會係咁出水，更加得心應手：）

每日A-B-C

要健康，得閒唔好飲咖啡奶茶，飲呢個ABC汁( A - Apples 蘋果 ; B - Beets 紅菜頭 ; C - Carrots 胡蘿蔔 )，因為佢嘅營養價值非常高。這三種蔬果中均含大量β胡蘿蔔素和維生素Ｃ，可提高細胞的含氧量，有抗癌及提高免疫力的功效。

尤其而家非常流行嘅紅菜頭Beets，經常都喺fushion菜式做主角，佢含高葉酸、高鉀及高鐵質，具抗氧化、防癌、延緩老化，又可促進身體有效攝取維生素E，可算是double 抗氧化食物！而且還具降血壓、通血脈、防血管栓塞的功效。如果不怕苦澀的話，紅菜頭的葉子也可以一同打汁，它的鐵質、鉀質、鎂質及纖維等含量，比紅菜頭更高呢！

不過要注意一點，就是紅菜頭本身的含果糖，所以不要過量，以免肥胖或影響血糖穩定，所以，可以配合其他蔬果或水一起打汁啊！