北京風味：蒜泥白肉﹠雞絲粉皮

呵呵呵～好開心呀，今晚整左呢個北京風味嘅晚餐！噚日去左中環，順路去買左兩盒王府嘅餃子，因為自以前中環返工時已深深愛上呢一家餃子。佢係北京人開的店，老闆娘是北京腔的，很有地道的感覺；佢啲餃子望落不是皮薄的那種，但口感非常軟滑，肉菜的比例也很好，吃落沒有豬肉肥膏的味道，反而充滿著菜的新鮮甜味，很juicy；加埋陳醋一齊食，真係覺得好滿足。話說回來，買左兩盒餃子（最愛津菜餃，推介：D），就諗下今日配咩餸好，結果就諗到整蒜泥白肉，同埋雞絲粉皮喇！

味噌三文魚頭煲

冬天寒冷，就會諗起煲。今日晚餐我就整左個三文魚頭煲，係用日式生蔥味噌（ねぎみそ）醬做湯，效果很好，加埋啲黃芽白，非常之快就有得食，哈！我諗呢個湯底仲可以用嚟整拉麵添～；）

羅白臣啫喱仔杯

阿媽從韓國買左柿乾返嚟，食落好有纖維，幾新鮮喎，昨晚用羅白臣啫喱仔整嘅小甜品杯，就加個上去啦：＞

有荔枝味同可樂味，呵呵～

冬菇魷魚馬蹄蒸肉餅

自從上日文油畫加鋼琴之後，幾乎騰唔出時間整嘢食。今日似乎有啲時間，又可以享入廚之樂：D 老公話想食肉餅，咁就出現呢個冬菇魷魚馬蹄蒸肉餅喇。

Big gate crabssss

我嘅食大閘蟹年資：1年

我上年至開始識得欣賞呢種時令食品，因為娘家係唔好呢啲嘢，而奶奶每年都一大箱咁攞落嚟，真係唔食唔得啦＝）上年我食左8隻，食到面同身都生左濕疹（我係未生過架），哈，今年至知原來可以飲薑茶，或者用紫蘇一齊蒸，OK～

記得上年新入伙時，屋企幸得個雪櫃同蒸爐，碟都無，好似求其有把鉸剪，奶奶又拎左十幾隻上嚟，好彩蒸爐附有蒸架，我哋嘅第一餐入伙宴應該就係食大閘蟹了，而我都係由嗰時先開始覺得鍾意呢個美食，諗起幾有趣！

昨日15隻大閘蟹運到在下雪櫃

Semi-buffet@Nikko

昨晚和肥仔拎住日航送俾我哋慶祝週年紀念嘅voucher，去左Les Celebrities 食左個半自助晚餐。地方不大，沒有靚景，但夠寧靜。

自助頭盤，款式唔係太多，但款款都幾好食，都幾好呀～

天氣轉煲蘋果川貝鱷魚肉

本來煲雪梨乾，最後煲左呢個～蘋果川貝鱷魚肉

中醫話鱷魚肉對身體好好，咁我加埋川貝湯包一齊煲，鱷魚肉大昌就買到喇，用薑䓤出水加埋啲豬骨一齊煲，滾完20mins聞到啲川貝甘甘地，我再加埋2個蘋果，好潤呢^.^

得閒煮返幾味之咕嚕生炒骨

雖然我嘅入廚年資不多，但係完成一個餸嘅心情係好滿足的，唔單只要好食，仲要好靚至得，哈！

第二次整咕嚕⻣，上次豬肉佬哥哥斬得太細，今次就剛剛好喇。其實本來今次諗住試下自已較個汁架，但係上次買落嘅汁仲有一半，就用埋佢啦：淘大咕嚕汁，方便快捷，味道都ok，同喺街食嘅味道一樣～

叉燒醬炒豬頸肉

星期六真係無好節目，無線播保良局籌款，痴線架咩，成日都搵返啲四大天皇天后重播，成個節目駛乜搞啫！可惜而家又無啲似樣啲嘅‘卡屎’睇下....真係睇fashion show好過......哈！

今日興致到，本來諗住整焗豬頸肉，BBQ味，但係豬肉佬哥哥幫我切到細細件咁，焗又好似唔係好啱喎......結果，就轉左用叉燒醬炒喇。又簡單，味道都好好喎，滿意～

叉燒醬炒豬頸肉

My blog gets re-started!

Congratulations to myself!!

Sometimes I'd love to write something and it's nice to have a space in which I can write whatever I like and it's kind of a house of my interests that I'm happy to share with all my friends! So, I have this blog again!

Let my blog share with you my views on life, love, fashion, and everything around:)