薑汁撞奶

其實呢個我整左好耐，最近發現未post，等我post返出嚟先～嘻！而家夏天熱到爆炸，所以成日都會食生冷嘢，雖然你覺得係好熱，但實際上外熱內寒，容易做成脾胃虛弱、食慾不振、肚脹、便秘、拉肚子......所以呢，夏天適易食薑驅走寒氣，增強返個體質，抵抗高溫，呢個就係夏天嘅養生之道喇；）

節瓜蠔豉薏米蓮子茨實湯

我煲湯都幾鍾意用蓮子，可以清心火，而且好食，呢個湯包有薏米，具去濕功效，蠔豉味香，亦下火，加埋正氣嘅節瓜，就成好味湯水。

柚子薯仔碎牛生菜包

相信這是一道非常好嘅宴客菜式，薯仔牛肉唔駛講一定味道好，唔鐘意用牛嘅用豬都得，不過牛會香啲，炸蒜片又香口，花生碎又係唔少得，花生嘅香味同口感令菜式加分，仲有柚子同青檸汁去除油膩感，包埋爽口嘅生菜一齊食就好正！我覺得加埋青辣椒味道更特別，加1、2粒就夠，第一口可能覺得有啲辣，但食落都唔係噴火嗰種，加埋更好味！仲有九層塔，一定要一齊食，好味好多！＝P

玄米紅豆抹茶豆腐布甸 Matcha Tofu Pudding

豆腐做布甸味道清新，配抹茶紅豆好夾，加啲玄米仲有啲脆脆口感！不過，我做得大杯左，食完真係好飽飽，哈哈！現成紅豆蓉喺supermarket或烘焙店都有得賣，當然，有心機自己整埋仲加分～：D