豉椒炒蟶子

同老公行街市真係好搞笑，明明話求其煮啲嘢算，（即係買盒雞，加炒碟菜），我要練琴，點知行過海鮮檔俾佢見到啲蟶子又話想食，又話要飲魚湯，好啦，結果整左豉椒炒蟶子，哈！

蝦湯意粉

平時整完蝦，可能會淨左好多蝦頭，但係真係唔想徙，因為蝦頭入面有好多膏，煮汁會好香，所以今次我就加左雞湯，煮左個湯整意粉，非常香濃，惜食之選呢～；D

南瓜帶子蕃紅花意大利飯伴大蝦 Pumpkin&Saffron Scallop Risotto withShrimps

Saffron， 即係蕃紅花，係矜貴嘅食材，但係佢嘅香味特別，將普通嘅食物味道昇華。所以我都會擺定一樽喺屋企，以備想用時要用又買唔到，百二蚊買一樽仔得1g，但用少少，少到0.1g，都好有香味了。做南瓜risotto，南瓜不要壓得太蓉，有些少口感較好。買risotto時，留意是“Carnaroli”會最好，“Arborio”就不及“Carnaroli”。：）

甜蜜平安夜：Italian Classic Tiramisu

今年嘅christmas eve, 喺屋企整candle light dinner，暗暗嘅燈光，同埋輕鬆嘅jazz，咁好嘅氣氛，今年無玩遊戲，齋傾計，唔覺唔覺竟然已經零震4點～哈哈！

感謝妹妹訂嘅牛扒，唔需要汁，淨係用grill pan煎香都好正；蘑菇湯；仲有紅酒配biscuits&cheese；仲整左ceasar salad，超正，自己做ceasar salad 嘅dressing；最最最正係是晚甜品：係傳統意大利tiramisu！呢個tiramisu唔係普通嘅硬實死甜嗰啲；而係唔會太甜、creamy、有層次嘅高級餐廳甜品！連超細食嘅大佬食完咁飽嘅dinner都食晒，就知有幾正啦～;D

有小小tips，就係dip ladyfingers 嘅coffee不要太熱，而且不要點多過3秒，不然餅底會太濕，不好吃了！因為我喜歡餅底有少許咬感，所以我用微暖的coffee。

超好味嘅Ceasar Salad，醬一定要自己做！

每間餐廳做嘅ceasar salad都有唔同風格，味道都唔一樣，食過最鍾意一間餐廳嘅ceasar salad，菜好新鮮好juicy，個dressing好香，之前學意大利菜時問阿sir個recipe，今次聖誕整左，真係心心感動～超正！最重要係緹魚柳，無左佢，ceasar salad就無左靈魂。

初試Fissler高速鍋：粉葛紅蘿蔔鯪魚煲豬月展

一直都好想買Fissler高速鍋，直到最近喺Sogo Thankful Week入手！比平時抵好多㗎，原價3千幾4千，而家個鍋加埋個蓋同埋一隻焯＄21xx，真係忍唔住要試一個喇！之前成日聽阿媽講，高速煲煲啲嘢唔入味，我就要親身試試先安落，可能唔同嘅高速煲煲出嚟嘅效果都有啲分別呢～哈！XP 

河豚麵豉湯

今次呢個麵豉湯係用河豚味噌做，味道無咁鹹，帶少少鮮味，唔錯～

冰糖紅棗蓮子燉雪蛤

寒冷天氣，加埋老公去左台灣哈皮，獨留老婆在家餐餐食自己，好彩妹妹嚟陪我，但佢日日都出街，星期六嗰晚又去左bbq喇，咁我就喺屋企煲定糖水俾佢潤～潤啦！

臘腸炒西芹

臘腸真係好駛好用，一孖臘腸，加埋雪櫃有嘅西芹，又搞掂一餐XP

檸檬批 Tarte au citron

呢個係法式檸檬批，酸酸嘅味道令creamy嘅檸檬餡唔漏，檸檬餡混入double cream，令味道柔和！

Homemade Mayonnaise﹠南瓜碎蛋三文治

南瓜係好健康嘅食物，又香甜，做三文治當早餐真係不錯㗎！

南瓜蘋果湯

南瓜湯加入蘋果，味道清新，好夾㗎：D

梅子蒸排骨

婆婆經常都會為我哋浸定啲一樽樽嘅酸梅，唔知點解，婆婆浸嘅真係最好味的！我都好鍾意整梅子排骨做家常菜，酸酸味味好開胃～

Halloween Special：法式南瓜批 Tarte au portiron

哈哈， 遲來嘅Halloween dessert～ 

呢個係根據法式甜品食譜嘅做法，所以係法式嘅，仲有個法式名添～哈！

台式三杯雞

三杯雞知所以叫三杯雞，係因為呢個菜係由三杯汁料組成：一杯麻油、一杯醬油、一杯火米酒，而當中仲有不可缺少嘅九層塔！我自己就用紹慶酒，我覺得更香，加左辣椒，成條落無切，有少少辣感又不會太辣～

手工打麵團

Lasagna in Bolognese sauce

之前買左jamie's oliver嘅千層麵條，終於用嚟整左今晚個simple dinner，如果屋企有罐裝去皮蕃茄就方便得多，可以直接用埋啲汁，更加濃，不過樓下惠康又買唔到，咁我就自己用蕃茄嚟整啦～焗到面頭啲cheese好脆，老公話好正喎，哈哈：）

家鄉菜甫煎蛋餅

尋日同intern好友食dinner，拎到natnat張帖喇～走嗰陣經過隔離間河鮮酒家，見到螢幕menu寫住「『口了』『口能』XXX」，「口了」「口能」係咩字？笑死！亂讀一餐XDDD，不過照邊讀邊，都估到係咩嘅，大家唔知識唔識呢個字呢～嘻！睇住個餐版，loop到菜甫蛋，natnat提議我整，咁今晚唔知整乜好，就整菜甫蛋啦：）

蕃茄薯仔南瓜湯

我諗呢個湯係人都識煲，不過喺街市見南瓜好靚，本身諗住滾蕃茄薯仔魚，咁就改左蕃茄薯仔南瓜滾瘦肉，加左南瓜更加有營養。我只係加左3蚊雞咁多多咋，但係已經提昇左個湯，個南瓜真係好香甜，而且食到啖啖南瓜蓉嘅口感，好甜又好味^.^

蘿蔔炆魚崧

近日真的有點秋意，諗起整呢個餸！老公話呢個係牛排，笑死我，不過又有啲似，HAHAHA因為煎嗰時唔記得看住佢，佢黑左dd，不過無影響味道，煎完嗰刻好香脆～

稻庭冷烏冬

上星期すき焼き，真係好好味，喺屋企，一路燒，一路嘆清酒，真係無敵！哈哈～我最鍾意沖 

澠豬肩肉，口感爽而不膩，同埋一支すき焼き汁配到不得了，最後加湯煮埋啲野菜，全部汁食晒，好滿足！呢晚我仲準備左麵豉湯、茶碗蒸、稻庭烏冬、仲有甜品cheesecake，飽到個個抱住個肚XD

Afternoon-tea-time

Today's Menu

是日水果

Fruits of today

檸檬芝士餅

Ricotta lemon cheesecake

士多啤梨忌廉熱香餅

Pancake with strawberry & cream

熱情果慕絲

Passion fruit mousse

露荀配布里芝士

Brie cheese with asparagus

鵝肝醬配烤多士

Crostini with Pate de foie

蘿勒黑醋蕃茄烤多士

Crostini with tomato, basil & Balsamic reduction

咖啡或茶

Coffee or tea

Lemon Ricotta Cheesecake

今次用左一個low fat嘅ricotta cheese，感覺會light啲，同埋用多啲檸檬味，更fresh，其實用full fat嘅ricotta cheese會更好味，不過我照用左low fat，都OK～

淮山蓮子煲花膠

天氣轉乾，我諗要滋補下，所以煲左花膠補足下啲膠質～

其實如果平時唔得閒整定花膠，可以一次過整多少少，出水後可放冰格儲存，之後用嘅時候就方便得多啦；）

迷你腸仔飽飽

你哋細細個最鍾意食咩飽呢？會唔會係同我個肥仔一樣嘅......腸。仔。。飽。。。呢～！哈哈！夜媽媽你又會唔會想食呢個做宵夜呢～？哈哈！喺呢個食晚飯食到好飽嘅晚上，我同老公一人兩條腸，真係飽到郁唔到呀XP

自家麵豉湯

有時如果唔想煲湯，做麵豉湯的確很不錯，非常容易，低卡路里，無膽固醇，又有益，又快！當然最好唔好係即沖嗰啲啦，自己整無防腐劑，又可自己調較鹹度，加埋昆布同豆腐一齊食，更加有益～！

滑滑溫泉蛋烏冬

睇下隻蛋，滑到跣埋左一邊添，哈哈！

呢個烏冬，真係好好好滑！除此之外，仲有啲「煙韌」嘅口感，真係好好味！想食日式嘅烏冬，千祈唔好落雞汁，即係，雞粉都唔得！雖然我都係mav姐，但係我係唔會俾雞汁薰荼的！WAKAKA～ 8）配埋溫泉蛋，真係好好好感動啊～誇張！XDDDD

泰式牛肉沙律

沙律容易做，又開胃，我很喜歡青檸魚露汁，平時我又會用來配其他泰式菜，這次撈沙律也

很配！

粟米栗子豬月展湯

呢排有點秋意，要飲返啲潤少少嘅湯水～前日去左le creuset一年一度嘅大開倉，有好多粉紅色呀！我都買左唔少,嘻！即刻用呢個粉紅le creuset用嚟裝湯，靚呢<3

粟米忌廉汁長通粉

粟米sauce真係好正，大家都一定鍾意的！啲粟米汁掛晒喺啲長通粉出面，再有啲粟米汁喺入面‘嗶’出嚟，幾正～！

千島醬波蘿雞肉Pizza

近來喜歡整pizza，因為好啱一大班人食，如果有朋友大架光臨，我就有嘢招呼佢哋喇；P

蘑菇湯

這是一個非常簡單的蘑菇湯，而且人人喜愛！話說我問我老公：今晚想飲咩湯？佢話：青豆湯！轉頭又話：洋蔥湯！跟住又話：蘑菇湯！咁我就整蘑菇湯啦！哈哈～我老公就係咁為食，成日咩都想食㗎喇！

下火雞骨草

個人熱氣，訓唔好，要飲雞骨草下火！我加左紅棗，養血舒肝，雪凍飲解渴，不過女人就飲返暖好啲：）

冰梅醉豬手

呢個餸係一次喺一間餐廳度試過好鍾意，突然間靈光一閃諗到個整法而試做嘅！雖然幅相唔靚，但個味道自己幾滿意，所以照寫出嚟俾大家：）

辣酒煮花螺

呢個係為媽咪而設嘅，因為係我媽咪至愛！

Dinner@稻菊

簡單一寫。稻菊好靚，不過都唔及天空龍吟，因為天空龍吟在101/F，個view無敵，同埋稻菊都比較多人，所以都嘈左啲，不過食物方面都幾好，尤其係即開海膽，超鮮，超正！稻菊係乜都有得叫嗰啲日本料理，而自己最鍾意都係懷石料理。

跟Star Chef學傳統意菜：Lesson 10 (Last lesson)

Beef tenderloin medallions
served over purple ravioli with ricotta&sauteed mushrooms, velvety corn

過左好耐，又去埋旅行，終於捨得寫返呢個post喇，哈！

最後一堂，chef同我哋示範做個full course，主菜係 Beef，用左tenderloin，非常正！

跟Star Chef學傳統意菜：Lesson 9

Panna Cotta

本來最尾一堂先整嘅dessert，chef改早一堂，等下堂做一個full course，sound nice：）

原味圓碌飽

～Recipe～

（6pcs）

芝士粟米飽

今次算係我第2次整包，上一次嘅失敗就係今次嘅經驗，一路吸收經驗，一路研究，一定會成功嘅！呵！而家叫做喺屋企都嘆到自家飽飽，真係好滿足啊～～<3 老實講，我都幾鍾意搓飽呢個過程，搓、撻、搓、撻…發酵…見住佢由一個拳頭變成兩個拳頭，amazing！ X） 

打忌廉竅門

做忌廉蛋糕最困難是打發忌廉，而打忌廉的竅門有很多。

例如：

1. 事前先把碗、攪拌器及忌廉雪凍，才加入沙糖拂打，可令打出的忌廉分量加倍；

2. 打好忌廉後，加入乳酪或打好的蛋白，可令忌廉存放更久；

3. 打好的忌廉開始變水的話，可加入蛋白或沒打發過的忌廉再仔細攪拌，便能使其再次膨脹；

4. 如果已開始變味的話，則可加少許梳打粉，既可去酸味，又能阻止它繼續凝固。

食譜通常會寫幾成發起，即是話忌廉打完嘅狀態：

＊Normally＊

做餡料 or mixture：6、7成

刎餅：8、9成

6成發起 當打到忌廉打到出現"淺紋"，好似湖面泛起既漣漪波紋，可先停機，提起拂打機，睇見係似凝結既水滴形態，容易滑下

7成發起 繼續高速打，見cream出現深波紋，開始感覺到比之前"鯨"，停機提起，提起時會黏穩成尖峰形，好令身，而且能左右鐘擺跌下

8成發起 繼續打，波紋更深，提起時成勾峰形，會一"pat" cream 黏實，比之前較啞色，鐘擺都唔會跌

9成發起 會成一個個小勾峰，感覺比8成更實，一舊舊既感覺

10成 宣佈失敗。忌廉嘅油脂打爛，會見到一舊舊cream ﹠一灘奶水

ref: http://the-sun.on.cc/cnt/lifestyle/20090905/00479_003.html 

士多啤梨芒果奶凍

～Recipe～

（6 cups）

材料 Ingredients：

士多啤梨 適量

芒果 適量

淡忌廉 200ml

牛奶 400ml

砂糖 約20g（因個人口味增減）

魚膠片 約10g  （喜歡結實點可稍為增加，用魚膠粉同樣份量）

跟Star Chef學傳統意菜：Lesson 8

Osso Buco

燉牛膝，中間舊骨裡面至係精華！一羹羹‘畢’出嚟，好滑嘅jelly狀骨髓，YUMMY!!! 今堂學左呢個主菜，配carrot risotto，真係唔錯～：D

厚燒玉子

好多人都鍾意食日本嘢，去食日本嘢時更加鍾意叫玉子燒，呢個厚燒蛋卷就是甜甜的蛋蛋喇～

跟Star Chef學傳統意菜：Lesson 7

Stuffed calamari in tomato&pepper sauce

第七堂，都差唔多可以寫結conclusion，哈哈，我嘅初部結論係：能夠煮到一個好basic但又夠好味嘅西餐嘅話，請記住不可缺少嘅材料：olive oil、garlic、onion、主要食料 e.g. tomatoes、potatoes, e.t.c.、最後用sea salt同pepper做seasoning，Done! 哈哈～係咪好簡單啊X）

芒果糯米飯

見到幅相，係咪有做完spa嘅簡腳呢～～哈哈哈！那天，我諗住整呢個泰式甜品，去街市又咁啱見到斑蘭葉，又好香，忍唔住買埋嚟伴碟＝D

跟Star Chef學傳統意菜：Lesson 6

唔經唔覺嚟到第六堂，都係意大利菜中其中最令人其待嘅一堂，就係整pizza喇！！睇下3個己發酵嘅麵糰～～～一諗到可以自己d.i.y.pizza就興奮！因為我可以包芝心批，包腸仔......乙水 我嘅肥仔XD

蝦春卷

香脆可口！蝦春卷！出街食，食唔到咁大嘅蝦掛，自己包就得呢～ 哈！ 8）

泰式生蝦刺生Gong Che Lum Bang

哈！呢個dish其實真係唔駛整，但係擺到靚靚招呼親朋又好正囉XP 

泰式紅咖喱雞

呢個紅咖喱，唔好似為佢咁紅就等如辣到噴火，反而佢嘅辣恰到好處，配雞之外，再加埋茄子，就唔會太滯啦！

冬蔭公

話整好耐嘅泰國菜，（都由上年去完泰國嘅事了...）等到而家終於整左喇，哈哈！本來仲想拖到下個星期，不過，咁樣係唔得嘅，因為我始終有一天都要整左佢，

香煎和牛粒

～Recipe～
( serve 2-4 persons )

材料 Ingredients：

和牛粒

黑胡椒

芥茉醬