魷魚冬菇蓮藕煎肉餅

肉餅唔一定蒸，煎，仲香口。呢個餅口感豐富，仲加埋脆蓮藕片，仲吸引呢！不過小心整嘅時候撈得太多粒粒的話會令肉餅易散，撈嘅時候覺得散散地可酌量加麻油和生粉，同埋俾啲耐性慢慢煎完一邊先到另一邊，就會好實淨㗎喇。

柚子骨

呢一款骨我用新鮮柚子汁做醃料，比起一般用柚子醬效果較濃甜同假，味道比較清新。如果喜歡酸味多點的可以加入適量檸檬汁。