牛蒡脆片小吃

牛蒡，係廉價人參，經常出現於日本料理當中。除左煲湯，原來可以做小食㗎！炸嘅時候已經好香喇，似洋芋片、蕃薯片嘅味道。我試過焗，但焗出來效果太乾，好似食樹皮，所以改用炸，控制得較好，嘻～當然啦，我喺屋企炸嘢會用靚油炸，即係山茶花油，煙點去到230℃，係安全嘅，想知有幾健康可以上網search下山茶花油／野生茶油，我屋企人都改晒用呢隻油喇：）

牛蒡營養價值高，抗氧化、降血糖血脂、具穩定情緒功效，而且高纖，能促進腸道蠕動，排便順暢，也含有腸道益生菌的重要養分菊糖，可幫助益生菌留在腸道內蓬勃發展，促進消化。而且膳食纖維也能增加飽足感，非常適合減肥中的食譜呢！

另外，牛蒡皮具能吸附並帶走膽固醇和脂肪的功效，所以唔好削走，可以用刷子刷乾淨，另一方法是可用錫紙來刷也可，處理牛蒡時可浸醋水防黑。

不過，要注意感冒或營養狀態不好時，不適合吃太多牛蒡，且牛蒡中的鉀、磷若攝取過多會增加腎臟負擔，如果是脾胃虛寒或腎臟功能不佳者，就不適合過量食用。

RECIPE

材料 Ingredients :

牛蒡 1條

低筋麵粉 適量

醋水 （醋3tbsp＋水3cups）

做法 Directions :

1. 牛蒡用刷子洗淨，刨成片，浸入醋水中約20mins，印乾備用
2. 沾上低粉，放入約170℃熱油炸約3﹣5mins成脆片，瀝乾油份，完成。

吃時可配七味粉享用：）