好多人都鍾意抹茶做甜品、點心，唔知又會唔會得閒喺屋企整返杯抹茶呢？我最鍾意就係香濃嘅抹茶，口感夠creamy，入口順滑！其實，喺屋企嘆一杯好嘅抹茶，好簡單，不過都有些少技巧，你需要嘅係：
茶筅 （ちゃせん，音：cha-sen）
暖水
熱水
當然，唔少得，一個靚嘅抹茶！
其實，做抹茶嘅道具之中，仲有嗰枝茶杓（ちゃしゃく，音：cha-sha-ku），係用嚟舀抹茶粉，可以控制份量，不過唔用都得嘅。但係，要嘆抹茶，我覺得最重要仲要有一個靚靚嘅茶碗（ちゃわん，音：cha-wan），一來for 刷抹茶用，要大一點開口嘅碗，一般嘅杯就放唔入茶筅；二來喝的時候更有日本風呢，哈！
抹茶，其實就已指磨成粉抹狀的製過茶臼，所以唔駛加個「粉」字嚟形容；不過，香港人都會用「抹茶粉」嚟方便分辨。買抹茶嗰道嘅日本人教我，要打出creamy 嘅抹茶，要用「抹茶粉」，用少少凍水（室溫）開，然後用茶筅向一個方向刷，但不要打圈，因為茶筅會易爛，打至感覺厚身有泡，咁就可以加熱水，然後可再略略刷多一會，咁就可以做出口感creamy又濃滑嘅抹茶喇！
當然，要講日本嘅茶道更深，用具亦不只這些，但係在家輕嘗又要需要咁仔細呢，夠用就可以了：）
呢一隻係老闆嘅推介，不是最高級，但味道很香淳，沒有澀味，得閒在家中沖返杯真的很不錯呢！
No comments:
Post a Comment