好友BB會！玫瑰露豉油春雞

新年正月仲未過，聚會排住隊嚟，呢日去完一好友家拜年後，又返到屋企，迎接BB！本諗無諗住煮，因為實在忙足成個新年，太累，但諗到朋友嚟，又想整下住家飯俾大家食，所以都係整了！結果，好busy的一天，但朋友帶晒小朋友嚟好熱閙，busy得好高興呢！
呢日嘅前一日，買左兩隻春雞，本來諗住自己試整先嘅，但臨時決定煮，就拎返出嚟，試整豉油雞，要大家做白老鼠：P 出嚟似滷水味，我想是香料落重手問題，最後試味我又嫌唔夠甜味，最後由於不能再落冰糖翻煮的原故，因為隻春雞受不了，會爛，最後只能下白糖加甜味，當然不是預期的好，不過，過了幾日，我又再做這個豉油春雞，這次少了香料，也換左汁料嘅比例，結果就啱了！嫩滑多汁，仲有濃濃嘅酒香滲出嚟，我最鍾意酒香，我老公覺得多了dd，但我就覺得啱啱好，嘻！

整豉油雞有好多方法，我覺得呢次呢個方法不難，我會再試多幾個方法睇下邊個可以做我嘅自家招牌豉油雞～ XD

為甚麼我用春雞，不用大隻雞呢？

是因為其肉質細嫩，而且我喜歡體型小，方便我哋兩口子食，又唔駛斬件，用刀叉已ok。我用黃了油雞，味道較香，不過後來發現黃油雞會比較難上色，而且不夠勻循，我下次會試用白雞。

我先汆水後再浸冰水，使雞皮口感爽脆。

我用Staub嘅鑄鐵鍋，有效保存鍋內溫度及水份，可以利用餘溫將豉油雞焗熟，出來效果更juicy！

~ Recipe ~

( serve 2 persons )

材料 Ingredients :

春雞 1隻

醃料 Seasoning :

老抽 30ml
玫瑰露酒 30ml
＊份量要足夠塗勻全身

汁料 Sauce :

生抽 150ml

老抽 50ml

冰糖約120g
月桂葉 6片

桂皮 2小件

八角 2粒

丁香 10數粒

玫瑰露酒 50ml

水 200ml

薑 3片

做法 Directions :

春雞去毛洗淨，稍為汆水後浸冰水約5mins，印乾水份後，用醃料塗勻全身，醃1小時（p.s. 由於做的時候時間關係，我只醃了半小時，味道夠，但顏色未夠）
慢火煮熱汁料，連醃雞汁放入鍋內，雞胸向下，上蓋慢火浸煮，每8mins轉一轉雞身，翻轉雞背，然後左側及右側，最後雞胸向下，汁料滾後＊但不要大火，雞會爛 上蓋，熄火焗20-25mins，插入牙簽流出透明汁液代表已熟，完成。吃時在雞上沾多點豉油汁，更美味！

＊重點＊