西京燒銀鱈魚

話說今次認真整一個日式西京燒銀雪魚，買醬料係最頭痕，因為日本料理當中會用到嘅醬料非常細緻，單是味噌都分好多種，走入citysuper，足足花左2小時去細看各種醬料

（同埋我本身都係好鍾意行超市的，哈～），因為你想買嘅佢又未必exactly有，而佢有嘅又卻是好多類似嘅嘢，真係令人頭痕！

我一次過買左好多準備整日本料理嘅醬料，而呢啲係for 今次西京燒的。

味噌，就比較易買，因為佢都寫明啦：西京白味噌；

清酒，就唔駛咁好（即唔駛買‘大吟釀’嗰啲），而我今次呢個都OK；

味醂：what is this? 是日本常用的甜糯米酒，能調味和僻除食物腥味。 但有些味醂可能是1﹪or 沒有含酒，但也有同相同功效，所以也要注意買嘅時候佢最好含酒，做餸味道較好；

甜酒，我用左rum：）

～Recipe～

材料 Ingredients：

銀雪魚 1塊

西京白味噌 300g

味醂 2tbsp

清酒 2tbsp

冧酒 2tbsp

做法 Directions：

開始準備，先用粗鹽從30cm高處水灑上銀雪魚上，靜置約30mins，使其出流出血水及黏液至透明，用水沖洗，印乾

  銀雪魚

將味噌、味醂、煮過的米酒、甜酒拌勻

鋪在食物盒上，上面鋪上紗布（記得先洗乾淨），再放銀雪魚，再放紗布，再放剛才拌好的味噌（這樣可以使拎起魚來不會弄髒。）

由於我的紗布比較細，還有這個味噌第二次使用，所以我是盡量刮起來再鋪上面，也就變成影出來這個樣子了，哈哈～

然後再上面鋪上一層保鮮紙，再蓋上，放雪櫃醃1天。

第二天處理前3小時，稍微擦走銀雪魚上的味噌，再塗上味醂﹠甜酒。

預熱焗爐，180度烤6mins，翻面再烤4mins，完成。

煮後感：

1盒300g味噌慳啲用都用到2次㗎！

其實我第一次用另一隻幼鱗銀雪魚整呢個西京燒，好嫩滑，好好味，今次用粗鱗，睇下有咩分別，食完之後，感覺粗鱗口感實啲，所以自己鍾意幼鱗多啲。不過，啲銀雪魚真係貴左好多好多，成＄8X一舊，因為全球暖化，銀雪魚變矜貴魚

：’（

加拿大幼鱗銀雪魚