Mavis T.C. | Art ﹠Cooking

Monday, February 24, 2014

春の大根青豆茶碗蒸し

近日開始潮濕，整個春天感嘅食譜先～

呢個茶碗蒸蛋嘅材料，其實係前一晚用剩嘅蘿蔔，同埋荷蘭豆做嘅，老公又係都唔肯食原條嘅荷蘭豆（其實拆左嘅豆佢都麻麻......但係，又鍾意飲青豆湯㗎囉，哼～吹脹！），結果我拆左啲豆出嚟做蒸蛋。呢個蛋味道清清地，做法又簡單，其實蒸蛋可以配好多材料都得，我諗整俾小朋友食一定好開心，呢個蘿蔔青豆蒸蛋，加埋蝦米，紅紅綠綠顏色又靚，配襯粉紅櫻花碗仲好有春天feel添！

清香桂花酒釀丸子

天氣寒冷，飯後一碗甜湯，好暖好滋潤！桂花嘅清香，的確令人食完好飽嘅晚飯都可以喝上一碗。

牛肝菌飯 Porcini Japanese Rice

呢個牛肝菌，係要多謝我妹妹，係佢聖誕節某品牌PR送嘅某間著名酒店用嘅牛肝菌，噚日終於拎出嚟用，做左呢個香濃味美嘅牛肝菌飯。我用秋田米，好香菌味，飯夠飽滿，煙韌彈牙！

好友BB會！玫瑰露豉油春雞

新年正月仲未過，聚會排住隊嚟，呢日去完一好友家拜年後，又返到屋企，迎接BB！本諗無諗住煮，因為實在忙足成個新年，太累，但諗到朋友嚟，又想整下住家飯俾大家食，所以都係整了！結果，好busy的一天，但朋友帶晒小朋友嚟好熱閙，busy得好高興呢！

淮山瑤柱猴頭菇燉湯

這個是很簡單有益的一個湯品，淮山益氣養陰，補脾肺腎，能促進免疫力，提振倦感氣虛；茨實補中益氣，健脾益胃；猴頭菇高蛋白、低脂肪、富含礦物質和維生素，還含有人體所必需的多種氨基酸，又可預防腦細胞衰老，營養價值很高。我自己下很多薑絲，因為天氣寒冷，加入一點驅驅寒！

西班牙海鮮飯 Seafood Paella with Sherry, Saffron & sundried tomatoes

Paella，即大鑊飯，traditional嘅Paella 會有蝸牛、兔肉、雞肉、時令蔬菜，後來才加有海鮮，shellfish，不過加有海鮮嘅Paella 豐富好多，而且海鮮嘅鮮甜令到米飯更加美味！煮呢個飯，最重要係Sherry wine雪梨酒，同埋Saffron 蕃紅花，令到米飯嘅美味昇級。如果時間許可嘅話，可以用海蝦煮高湯，代替現成雞湯，味道香濃點，不過用雞湯亦可，我感覺味道清一點。我很晚才到街市，最後只買到新鮮魷魚，唉......所以蝦及蛤蜊肉都是frozen，少左呢兩種海鮮嘅鮮味，真係......唔夠perfect囉，不過都好味嘅，哈哈，係人都知最好梗係用新鮮啦，不過買唔到都無計：（

熱辣辣嘅出爐蛋撻！

今日好朋友帶bb嚟拜年，本來無預備小吃，但係屋企有啲撻皮麵糰，咁不如整嚟開心share啦！好彩朋友喜歡，bb又喜歡啫！哈哈～！我鍾意鬆脆牛油皮，多過反式脂肪超勁嘅酥皮，之不過......我都鍾意整用酥皮做嘅餅，哈哈！因為我係鍾意整，多過鍾意食嘅人～XD

呢個撻蛋味香濃，又夠香滑，撻皮也很滿意，可惜我唔記得左影低佢，下次吧！

新年新蒸頭：蘿蔔糕

恭喜發財！身體健康！萬事如意！馬年行好運！

清補涼北芪黨參烏雞湯

用Miele+Fissler煲湯簡直係一絕，快！靚！正！超乾淨！都話，用Fissler高速煲煲湯，好似無煲嘢一樣，超靜，無煙，哈哈！今次用埋Miele，幫我隻烏雞出水，方便到不得了！

韓式辣醬炒魷魚圈

呢個係一個又簡單又香口嘅食譜，事源我找到一包妹妹送給我的韓國手信﹣辣醬，即將到期，所以就諗到配魷魚喇！

豉椒炒蟶子

同老公行街市真係好搞笑，明明話求其煮啲嘢算，（即係買盒雞，加炒碟菜），我要練琴，點知行過海鮮檔俾佢見到啲蟶子又話想食，又話要飲魚湯，好啦，結果整左豉椒炒蟶子，哈！

蝦湯意粉

平時整完蝦，可能會淨左好多蝦頭，但係真係唔想徙，因為蝦頭入面有好多膏，煮汁會好香，所以今次我就加左雞湯，煮左個湯整意粉，非常香濃，惜食之選呢～；D

南瓜帶子蕃紅花意大利飯伴大蝦 Pumpkin&Saffron Scallop Risotto withShrimps

Saffron，即係蕃紅花，係矜貴嘅食材，但係佢嘅香味特別，將普通嘅食物味道昇華。所以我都會擺定一樽喺屋企，以備想用時要用又買唔到，百二蚊買一樽仔得1g，但用少少，少到0.1g，都好有香味了。做南瓜risotto，南瓜不要壓得太蓉，有些少口感較好。買risotto時，留意是“Carnaroli”會最好，“Arborio”就不及“Carnaroli”。：）

甜蜜平安夜：Italian Classic Tiramisu

今年嘅christmas eve, 喺屋企整candle light dinner，暗暗嘅燈光，同埋輕鬆嘅jazz，咁好嘅氣氛，今年無玩遊戲，齋傾計，唔覺唔覺竟然已經零震4點～哈哈！

感謝妹妹訂嘅牛扒，唔需要汁，淨係用grill pan煎香都好正；蘑菇湯；仲有紅酒配biscuits&cheese；仲整左ceasar salad，超正，自己做ceasar salad 嘅dressing；最最最正係是晚甜品：係傳統意大利tiramisu！呢個tiramisu唔係普通嘅硬實死甜嗰啲；而係唔會太甜、creamy、有層次嘅高級餐廳甜品！連超細食嘅大佬食完咁飽嘅dinner都食晒，就知有幾正啦～;D

有小小tips，就係dip ladyfingers 嘅coffee不要太熱，而且不要點多過3秒，不然餅底會太濕，不好吃了！因為我喜歡餅底有少許咬感，所以我用微暖的coffee。