栗蓉西米布甸 Chestnut Puree Sago Custard Pudding

布甸參考基絲汀食普，挺方便又不太甜的，我喜歡用中粒西米，比小西米更有口感，只是煮的時間要多一點，用眼觀察都不難的：）再加自己喜愛的栗子蓉，是很適合冬天的一道甜品呢！

麻辣滷牛腱（冷盤）

我本來想做一個沒滷的牛腱配麻辣汁，但買料的時候又忽然好想試滷過的牛腱加麻辣汁會否更好，結果我還是滷了，哈哈！我知道一定不會差的，但味道我覺得過是稍為豐盛了，下次可以試一個淡一點的做法。我這次醬汁也加了浙醋，有酸和麻辣的味道。另外，滷料爆香才滷肉，比起平時就咁放一個滷水包加醬油加水去滷會更香，而這次我只用了八角和桂皮亦已足夠。

做牛鍵的是候記得要好好將肋膜去除，不然影響口感；滷1小時已很足夠，不然會過腍。

麻辣豆豉肉碎

呢個餸確實係一個好下飯嘅菜式，香香辣辣，又叫「螥蠅頭」，不過我覺得呢個名有啲核突，都係叫返豆豉肉碎算，哈哈！呢個餸嘅麻辣味，係來自好友喺成都買俾我嘅花椒油，炒起上嚟真係非常香，鍾意嘅話隨意加喺餸菜呀、麵呀⋯⋯都好正：D

黑蒜姫松茸淮山燉湯

未來親友給我一盒自家製黑蒜，除了閒時吃吃，我也拿了一些做湯。我自己只知道製法但未做過黑蒜，嚐一口黑蒜後，覺得風味獨特，味道真的不錯，很多謝她呢，大家都是注重健康之人，等我遲些用嚴浩蒜蓉汁回禮，哈哈！黑蒜很流行，確實易做又有益，最好家中預備多一個電飯煲，發酵12-14日就可以了。詳細可上網搜尋黑蒜做法；)

黑蒜功效甚多：能促進身體血糖代謝分解，有助降血脂、降血壓、降血糖、軟化血管；又有抗氧化、補肝、改善睡眠、改善便秘、提昇精力等好處。

今次我用黑蒜做燉湯，加入鮮淮山及無花果乾，滋潤健脾，味道甜和。

傳統芝麻糊

蝦乾雲耳蒸茄子

一個簡單又健康嘅家常小菜。雲耳，即木耳，能潤肺生津、滋陰養胃、益氣和血、補腦強心，對高血壓、血管硬化都有功效；而茄子也有降低膽固醇，高血壓，軟化血管和防癌功效。加起蝦乾同蒸，有益又美味。

金蒜蒸排骨

蒜蓉豆豉蒸排骨、酸梅蒸排骨整得多，不如簡簡單單伴上炸蒜，加上排骨本身的肉汁來送飯，非常美味呢！

老黃瓜蠔豉煲薏米

香茜豆腐煎魚餅

桑寄生蓮子蛋茶

樟茶鴨

樟茶鴨係四川燻烤名菜，今次都成為左我試整主菜之一，做呢道菜固名思義，要燻同烤啦，其實還要蒸去令佢全熟。食時要伴上京蔥和甜麵醬，真的很夾啊！平時不太喜歡京蔥的人也應該試試一起吃，因為與鴨的香騷味混和後就很balanced了！再加上香脆的薄脆，又令這鴨多一個鬆脆的口感。功序有點煩覆，不過做好後又真是很美味呢！今次只有4人，又有其他菜式，所以只做半隻。

炆鮑魚鵝掌

作為一道矜貴主菜，我想一定非鮑鮑莫屬了！炆鮑魚真係不難，只要有恆心同毅力......就得㗎喇！哈哈哈！只要準備好晒材料，就計時喇：首先發個鮑魚2日；然後處理乾淨後；煲個燒鴨高湯1個鐘；放好鮑鮑同其他材料入砂煲／鑄鐵鍋裡面，連同燒鴨高湯煮滾後小火一共炆約20個鐘，其間每3﹣4個鐘熄火唔開蓋焗8個鐘，然後再炆再焗...再炆...再焗......；然後食之前再用蠔油茨扣一扣佢，搞掂！成為60個鐘。如果計埋發鮑鮑嗰48小時，成為108個鐘喇！

高力豆沙士多啤梨

呢個甜品絕對係驚喜，除左食者興奮之外，做嗰個（即係本人）都超級興奮，見到一個個波波放入滾油度炸到金黃色，都忍不住興奮到尖叫出嚟，嘩哈哈！

脆香腐乳雞翼

喺每道菜與菜之間，可能會有一啲時間個咀悶悶地，想有嘢咬下咁，呢個時候，就可以準備一個小吃，唔駛悶場，哈哈！我sister叫佢做等候小吃！XDDDD （多謝佢為呢度菜增添工能！XD）

頭盤（火腿豆腐磚 及 奶油露荀）

我最有興趣就係做頭盤，最緊要靚之餘，仲要唔可以搶左主菜嘅風頭，同主菜有對比，通常會係口感清新啲，唔膩口，等客人開開胃口。構思呢個前菜用左少少心機，豆腐淡淡嘅豆香夾主口感鬆化又帶甘香嘅金華火腿，食落都有驚喜！茨汁用左金華火腿雞湯同露荀粒，放上一隻蝦仁，增添呢道菜嘅色彩。旁邊是奶油露荀。

包餃子

包餃子真好玩，有老公同我一齊包，how sweet～哈哈！包餃子可以促進感情，唔係呃你，冬天一齊包多啲餃子啦：D

香蒜汁三色椒炒木耳

一個簡單易做又好味嘅素菜。營養師告訴大家多吃不同顏色的蔬菜可吸收不同的營養，三色椒紅黃綠就一次過滿足了營養方面，其熱量低，纖維多，含豐富維生素，且具很好的抗氧化功能。味道也各有不同，紅椒較甜口感適中；黃椒較淡較軟；青椒較甘較爽脆，三種不同的味道同煮令一道簡單的素菜更添美味。另外，木耳具降血脂功能，所以這道菜很適合經常煮食呢！

魷魚冬菇蓮藕煎肉餅

肉餅唔一定蒸，煎，仲香口。呢個餅口感豐富，仲加埋脆蓮藕片，仲吸引呢！不過小心整嘅時候撈得太多粒粒的話會令肉餅易散，撈嘅時候覺得散散地可酌量加麻油和生粉，同埋俾啲耐性慢慢煎完一邊先到另一邊，就會好實淨㗎喇。

柚子骨

呢一款骨我用新鮮柚子汁做醃料，比起一般用柚子醬效果較濃甜同假，味道比較清新。如果喜歡酸味多點的可以加入適量檸檬汁。

話梅花雕醉雞翼

太熱，整冷盤最好，開胃些！而且易整，經常諗唔到整乜都會整佢，醉乜都得，哈！