自家麵豉湯

有時如果唔想煲湯，做麵豉湯的確很不錯，非常容易，低卡路里，無膽固醇，又有益，又快！當然最好唔好係即沖嗰啲啦，自己整無防腐劑，又可自己調較鹹度，加埋昆布同豆腐一齊食，更加有益～！

日本人用饍講求健康，麵豉湯必定是早餐一部份！麵豉湯是由大豆、鹽、麴發酵而成，含豐富鈉質。

麵豉湯，即味噌湯，有分用白麵豉式紅麵豉。紅麵豉發酵時間長，味道比較濃郁，鹽份也比較重；白麵豉則發酵時間較短，味道比較淡和甜，鹽份比較少。而當中西京味噌鹽份最少，含5﹪。不過，如果要淹漬的話，就應該使用鹽份10﹪以上的味噌，具殺菌作用，可長期保存。越紅的數紅鹹，不過如果是甜味噌則另作別論。

另外，

夏天會比較多吃紅味噌；冬天就多吃白味噌。

我的麵豉湯就用了這款味噌。

～Recipe～

（serve 2 persons）

材料：

味噌 3﹣4大匙

豆腐 1／2磚

鴻禧菇 適量

薄口醬油 2大匙

鹽 少許

水 1L

昆布 1塊

鰹魚片 約2碗

細蔥 適量

自家做法：

1. 將昆布抺淨浸軟後加水煮滾，瀝起，切成方塊備用
2. 放入鰹魚片，轉中小火，煮至下沉後用棉布濾出清湯
3. 加入麵豉拌勻，放入鴻禧菇煮滾，然後加入薄口醬油及鹽調味
4. 最後放入切粒豆腐及切好昆布，上碗後加上蔥粒，（也可加上鰹魚片），完成。