樟茶鴨

樟茶鴨係四川燻烤名菜，今次都成為左我試整主菜之一，做呢道菜固名思義，要燻同烤啦，其實還要蒸去令佢全熟。食時要伴上京蔥和甜麵醬，真的很夾啊！平時不太喜歡京蔥的人也應該試試一起吃，因為與鴨的香騷味混和後就很balanced了！再加上香脆的薄脆，又令這鴨多一個鬆脆的口感。功序有點煩覆，不過做好後又真是很美味呢！今次只有4人，又有其他菜式，所以只做半隻。

炆鮑魚鵝掌

作為一道矜貴主菜，我想一定非鮑鮑莫屬了！炆鮑魚真係不難，只要有恆心同毅力......就得㗎喇！哈哈哈！只要準備好晒材料，就計時喇：首先發個鮑魚2日；然後處理乾淨後；煲個燒鴨高湯1個鐘；放好鮑鮑同其他材料入砂煲／鑄鐵鍋裡面，連同燒鴨高湯煮滾後小火一共炆約20個鐘，其間每3﹣4個鐘熄火唔開蓋焗8個鐘，然後再炆再焗...再炆...再焗......；然後食之前再用蠔油茨扣一扣佢，搞掂！成為60個鐘。如果計埋發鮑鮑嗰48小時，成為108個鐘喇！

高力豆沙士多啤梨

呢個甜品絕對係驚喜，除左食者興奮之外，做嗰個（即係本人）都超級興奮，見到一個個波波放入滾油度炸到金黃色，都忍不住興奮到尖叫出嚟，嘩哈哈！

脆香腐乳雞翼

喺每道菜與菜之間，可能會有一啲時間個咀悶悶地，想有嘢咬下咁，呢個時候，就可以準備一個小吃，唔駛悶場，哈哈！我sister叫佢做等候小吃！XDDDD （多謝佢為呢度菜增添工能！XD）

Farewell Dinner Part2

繼Farewell Dinner Part1之後，終於嚟到Part2喇﹣中菜廳！為左俾個難忘嘅回憶即張去working holiday嘅sister（搞咁鬼多嘢，其實都係去1年啫......-_-"，哈，不過我又搞得好開心！嘻！），哈哈，今次都費盡心思諗呢個menu，好開心客人都滿意，仲俾到surprise大家㖭！：P

頭盤（火腿豆腐磚 及 奶油露荀）

我最有興趣就係做頭盤，最緊要靚之餘，仲要唔可以搶左主菜嘅風頭，同主菜有對比，通常會係口感清新啲，唔膩口，等客人開開胃口。構思呢個前菜用左少少心機，豆腐淡淡嘅豆香夾主口感鬆化又帶甘香嘅金華火腿，食落都有驚喜！茨汁用左金華火腿雞湯同露荀粒，放上一隻蝦仁，增添呢道菜嘅色彩。旁邊是奶油露荀。

Lavender Creme Caramel

呢個食譜特別嘅地方就是佢散發出薰衣草獨特嘅香味，令一個看似普通嘅creme caramel昇華。焦糖嘅焦香加上甜滑嘅布甸蛋，再加入薰衣草嘅香氣，真是......好感動啊X）哈哈！

威靈頓牛 Veal Wellington

呢個牛，可以話係將西餐最愛嘅食物一鋪過食落肚嘅發明，裡面有鵝肝醬、ham、蘑菇蓉，再加埋裡面嘅tenderloin，同埋外面嗰層酥皮，嘩！確實係好heavy！但係，端出呢一個主菜嘅時候，都會令客人讚嘆不已，見到大家嘅反應都令到我忘記晒所有嘅辛勞喇，哈哈！

Starter

我好鍾意做starter，因為我覺得starter一定要做得精緻，令人望到都胃口大開，然後才更有興趣食跟住落嚟嘅菜式。（當然，其他菜式都要賣相得體，先至可以令一頓晚餐一致同完滿！）呢道starter係構思自前一天喺hotel icon 同好友食完嘅high tea, 基本上都跟左9成，哈哈。所用嘅食物唔需要好複雜，以經達到上述嘅目的。：）

Farewell Dinner for my sister - Part1

妹妹working holiday在即，佢嘅節目排到滿滿，我都俾佢排滿左我嘅schedule，因為佢嘅family farewell dinner都分左3部，哈哈，不過佢成年都食唔到我煮嘅大餐㗎喇，so 滿足呢個小女孩嘅要求，中同西都要呀！Part1嚟個西先啦：D