大圍有好嘢食﹣龍亭拉麵！

終於喺大圍搵到一間好嘢食喇 ﹣博多龍亭拉麵！大圍係好多嘢食，但係好多都好難食，連茶餐廳都係好難食，我諗得漢年可以入選，哈哈！今日發現嗰頭開左好多日本嘢食，入左去呢間細細間但放滿20個位的拉麵店，有既青春有活力又欣勤招呼嘅waitress，佢係會面帶笑容同好積極咁推介客人，至少能夠表現到尊敬自己事業嘅精神，淨係呢一點已經好難得，我好like！原來，呢間係金鋼小儀介紹過㗎！食物不錯，味精不重，拉麵分山、林、火......（忘記了），幾有heart的！仲有每日限推蟹黃拉麵添，不過我哋就無食到～但係我哋2人食左成＄2XX，喺呢個區呢個價錢都算貴了 ，而且好多餸都要自已追加，一隻鹵水蛋都要＄12......

anyway，呢間已入選我自己嘅食店名單喇！嘻嘻～希望佢哋keep住！加油！

聖誕大餐（鵪鶉，三文魚他他，菠菜忌廉雲吞）

呢個聖誕瘋狂咁玩，差唔多晚晚都過3點先訓，玩到而家2013，哈哈！等我而家post下我家嘅聖誕大餐先：D

本來諗住整春雞，但嗰日行citysuper見到啲鵪鶉，又好想試下整。哈！因為係即慶，就亂整，用香草黑胡椒醃下，然後用紅酒燜。味道都OK，但沒有濃濃紅酒味，相信係沒有用紅酒醃的原故，又唔知點解唔上色，隻鵪鶉都係白白的；P 我覺得整鵪鶉好過春雞，啲肉好嫩，又易handle，下次我會試下用另一個方法再整。